Burdin mineralaren historian zeharreko ibilbidea, Bilboko bihotzean egindako erauzketatik, garraiora, transformazio siderurgikora, eta bertoko industriaren eta ontzigintzaren garapenera

Itsasmuseum Bilbaok, Bilboats eta Sestaoko Turismo Bulegoaren laguntzarekin batera, burdin mineralaren historian zeharreko ibilbidera gonbidatzen zaitu Miguel Ángel Martínez Vitoresen —ikertzailea,  Industri Ondare eta Herri Laneko Euskal Elkarteko bokala eta Altos Hornos de Vizcaya-ko (AHV) langile ohiaren— eskutik.

Itsasmuseumen hasiko gara aurkezpen eta bisita gidatu labur batekin. Ondoren, itsasoratuko gara itsasontziz itsasadarrean zehar zeuden kargalekuen hondarrak eta industria-ondarearen beste aztarna batzuk ikusteko. Sestaon lehorreratuko gara Labe Garaia Parkea bisitatzeko, eta bertan amaituko da jardunaldia.