Zaldibarko herrigunetik abiatu eta Olaerreagarainoko bidaia egingo dugu, udalerriaren mendebaldeko muturretik ekialdeko mugaraino. Bizkaia eta Gipuzkoaren arteko muga ere bada, eta horrek arrastoa utzi du bertan. Zazpi kilometrotik gorako bidaia honetan Goierri, Eitzaga, Sallabente eta Olaerreaga auzoak bisitatuko ditugu.

Denbora igaro ahala giza jarduerak aldaketa handiak eragin ditu Zaldibarko ekialdean, eta horren lekukoak ezagutuko ditugu: baserriak, errotak, metalurgia, aduana, mikeleteak, urtegia, trenbidea, autobidea, Ermua eta Eibarko aldaerako euskara, zabortegiak. Besteak beste.