Iurreta ondo komunikatuta egon den herria izan da beti, horren adibide da gaur eguneko A-8 autobidea eta honen ordainlekuetako bat bertan izatea. Alabaina, gure herria beste toki batzuekin lotu izan duten bideak ez dira beti norabide berean joan. Aspaldi, Gaztelako goi lautada eta Kantauri itsasoa batzen zituen bidea oso garrantzitsua zen. Iurretako “Montoi” inguruan Ibaizabal gurutzatu, gaur egun Bixente Kapanaga izenez ezagutzen dugun kaletik igaro eta Iurretako plaza ingurutik Goiuriara igotzen zen bidea. Han, Gallanda barrenetik Laixiar inguruetara pasa eta Maumeko ataritik Iurretako lurretatik aldentzen zen kostaldera bidean.

Jardunaldi hauetan Iurretako auzo honetako sekretu eta datu esanguratsuenak deskubritzeko. Nondik nora egiten zuen garai bateko bideak? Zer dakigu inguru haietako harrobiez? Nola sortu zen Goiuriako ermita? Zer bilakaera izan du landa eremuko arkitekturak?… Galdera hauek erantzuten saiatuko gara 2024ko ondarearen jardunaldietan.