Publiko guztientzako jarduera.

Jose Migel Barandiaranek Santimamiñeko haitzuloa aztertu zuenean, ez zuen bakarrik atariko aztarnategian zegoen kultura materiala (harrizko tresnak, zeramikazko ontziak, faunaren eta gizakien aztarnak) berreskuratu. Horrekin batera, galtzear zegoen ondare immateriala ere bereganatu zuen, antzinako kondaira mitologikoz osatua. Belaunaldiz belaunaldi ahoz transmititutako kontakizun horiek, Ereñozarreko gailurrean, Omako haranean eta kobazuloaren sakoneran hedatu eta ezagun egin ziren.

Urte asko geroago, XXI. mendeko ipuin kontalari batek gure ondarearen parte diren kontakizun magiko horietan murgilduko gaitu, jasotako oinordetzan.