Urduñak zeregin garrantzitsua izan zuen Bizkaiko historian, kokalekuagatik, lurraldetasunagatik eta bertan hainbat errealitate elkartu izanagatik. Urduña zeharkatu zuten bideak herritarren arteko komunikazio, interrelazio eta hartuemanetarako tresna izan ziren.

Izan ere, bideek beren arrastoa utzi dute hiriaren itxuran; hala, mendeetan zehar salgaien eta bidaiarien joan-etorria interpretatzen diguten espazioak sortu zituzten. Ibilbide gidatuak hiri-elementu horietara eta interes sozialera hurbilduko gaitu, baita merkataritza- eta aduana-historiaren ondarera ere.