Angurreta espazioan izango da gizakiaren lehen ondarearen aurkikuntzari buruzko hitzaldia. Mañariko Angurreta harrobian arte eta kultura jarduerak sustatzeko, ingurunea eta baliabide naturalak errespetatuz, natur gela bat sortu dute. Gela hau aire librean dago eta bertan biodibertsitatea zaintzea eta iraunkortasunarekiko konpromisoa hartu dute. Victor Arrizabalaga eskultoreak Angurretako espazioaren bisita gidatua egingo digu eta bere eskultura desberdinak ikusiko ditugu.
Espazio berezi honetan gaudela gaur egun itxita dagoen Askondo kobazuloan aurkitutako margoen irudiak eta aurkikuntzak ikusi eta ulertu ahalko ditugu. Diego Garate Maidagan eta Joseba Rios Garaizarren eskutik.
Energia berezia daukan birmoldatutako espazio honetan bidaia kultural bat biziko dugu.
