Landetxo Goikoa baserria (XVI. mendearen hasierakoa) bisitatuko da eta hartan, baserriaren kudeaketa ekonomikoaren eredua azalduko da.

Baserria bizitzeko baino ekoizteko sortu zela ikusiko dugu: garaia (ekoiztutakoa gordetzeko tokia), aireztatzeko sistemak, suaren eta kearen aprobetxamendua, lehen aldiz abereak eta pertsonak banandu zituen horma,… Horiek guztiak baserriaren berezitasunaz ari zaizkigu.

Bisitaldi gidatuaren ondoren, baserriko produktuak –sagardoa, taloak eta txorizoa– dastatuko dira.