GR-38 mendiko ibilbidea, ardoaren eta arrainaren ibilbidea izenez ezagutzen dena, garai bateko merkataritza-ibilbidea da; aspaldi batean Arabako Errioxa euskal kostaldearekin lotzen zuen eta, gaur egun, ibilbide turistiko bihurtu da.
Gizaburuagatik Lekeitiorako ibilbide gidatua egitea da helburua, Guillermo Ruiz de Erentxun bide-adituarekin.
Bidean barrena, Leako haraneko ondare natural, kultural eta industrialeko hainbat elementu ezagutuko ditugu, hala nola burdinolak, errotak, zubiak, presak, jauregiak edo padurak. Ibilbidea amaitu ondoren, Lekeitioko arraina jan eta Arabako Errioxako ardoa edango da.
