Mendietako ontziola –1885etik 1993ra bitartean zurezko itsasontziak egin eta konpondu zituena– Kantauriko erriberako arotzeriaren adibide bikaina da.

Aitor Leniz historialaria ontziola horretako ontzigintzaz eta historiaz arituko zaigu, eta Mikel Landa, ontziola zaharberritzeaz arduratzen ari den arkitektoa, 2020. urtearen amaieran hasi eta 2025ean –hain zuzen, Lekeitiko hiribilduaren fundazioaren 700. urteurrena– amaituko omen den zaharberritzearen xehetasunez.