Motanka panpin propioa egiteko familia tailerra. Panpin hau Ukrainako jostailu zahar eta sakratuenetarikoa da, milaka urte baino gehiago ditu. Panpina harilkatu (motanka ukranieraz) honen helburua familiako haurtxoak lasaitzea izateaz gain, emakumeen jakituriaren sinboloa eta familiaren kuttuna da. Amek bere energia osoarekin eta desira onenarekin egiten zituzten. Era berean, alabak ezkontzen zirenean amek familiako panpina hauek oparitzen zizkieten, belaunaldiz belaunaldi ematen zirenak.