Leku arkeologiko asko ezagutzen ditugu, haien ingurunea kontakizun magikoen, liluragarrien edo bihurrien halo batean bilduta dagoelako, bataila epikoak, miresgarri sinestezinak, naturaz gaindiko egitateak, jainkosa zaharrak, jentilak edo moroak aipatuz, besteak beste. Historian zehar, giza taldeek okupatutako leku asko utzi egin dira hainbat arrazoirengatik, lurrezko eta ahanzturazko mantu bat zabalduz haien gainean, eta, erabat estali gabe ere, antzinako errealitateak iradokituz, zapi busti bat izango balitz bezala. Lurrean eta oroimen kolektiboan izaten diren anomaliak dira iraganera hurbiltzera laguntzen digun mantu horren izurrak.

Juan José Hidalgo arkeologo eta etnografoarekin batera, museoko espazioetan zehar ibilaldia egingo dugu aipatutako tolestura horietako bat aurkitzeko: mantendu beharreko ondare ez-materiala osatzen duten kondairen bidez birsortutako oroimena.