Jakin nahi duzu zelan inprima daitekeen 3Dn eta eskalan, esate baterako, Evaristo Txurrukaren monumentu enblematikoaren edo Aixerrotaren erreplikarik? Fabrikazio digitalari esker, ondare arkitektonikoa eta kulturala eskaneatu, diseinatu eta hiru dimentsiotan inprima daiteke, ezagutu, partekatu eta, batez ere, gozatu ahal izateko. Tailer horretan, fabrikazio digitaleko teknologiak erakutsiko ditugu, 3D Diseinuak eta Inprimaketak gure inguruneko ondarea eta horri lotutako beste proiektu batzuk ezagutzeko eskaintzen dituen aukerez jakiteko.