Antzinako hiribilduaren goiko aldean, Nerbioi-Ibaizabal itsasadarraren bokalera begira dagoen Santa Maria basilikaraino joango gara. Eraikinaren hormetan, Portugaleteko historiaren eta bertako jendearen bilakaera dago iltzaturik. Jatorrizko arkitektura gotikoak lekua egin zien denboraren poderioz iritsi ziren molde artistikoei. Arkitektura, eskultura, pintura edo altzariak dira gaur egunera arte jagon eta iraun duten lekukoak.