Instrumentu batzuek ez dute soinua bakarrik ateratzen: memoria ere gordetzen dute.
Juan Manuel Ibarrak, Bilboko Kontserbatorioko irakasleak, Bizkaiko ondarearen barruan paregabea den tresna bat dakarkigu: Salvador Bofill-ek 1743an sortutako klabezina. Hainbat urtez Lekeitioko Domingotarren komentuko eguneroko bizitza liturgikoaren parte izan zen, biltegi batean abandonatuta geratu zen arte.

1991n, ahanzturatik erreskatatu zuten, eta bete-betean entzun ahal izan zen berriz ere. Hitzaldi honetan, musika-tresnak guregana iristen diren moduan gorde beharko liratekeen edo galdu duten ahotsa berreskuratzeko aldatu beharko liratekeen planteatuko dugu.