Zaldibarko Miraria Ama Birjinari eskainitako kaperaren eraikuntzak 100 urte bete dituen honetan, une egokia da Ondare hori aldarrikatzeko.

Erakunde publikoak, elizakoak edota sektore pribatuarekin lotura daukaten monumentu eta eraikin handiak, erreferentziazko artelanak, etab. baino haratago doan ondarea da Zaldibarko kapera.

Juan de Aranoa euskal margolari ospetsuak apaindutako eraikina da, urteetan zehar oharkabean pasatu den bitxi artistiko bakarra munduan, pixkanaka-pixkanaka ahazten joan dena, hondatzen ari dena, eta horregatik, hain zuzen ere, aditzera eman nahi duguna. Zaldibarko Ospitalean (Osakidetza) dagoen artelan neorromanikoa da Aranoaren freskoz betetako kapera hau eta merezi duen ezagutza zabaltzera goaz.

Jardunaldia Aranzadik gidatuko du, BILBAO KAMERATA abesbatsak lagunduta.