HITZALDIA ISABEL MELLÉN-en eskutik

Doktorea eta Artearen Historian graduduna da, eta eskolak ematen ditu Zaragozako Unibertsitatean eta UNED unibertsitateko Gasteizko egoitzan. Ikerketetan aztergai izan ditu irudietako esanahiaren eraikuntza eta Erdi Aroko artea, betiere genero-ikuspegitik begiratuta

Euskal elizek, mendeetan zehar, askotariko kultuak izan dituzte, eta Elizako hierarkiak horietako batzuk debekatu zituen. Erdi Arotik XX. mendera emakumeek egin dituzten hildakoen erritualak tenplu horien erabileraren funtsezko atala izan dira, eta oso arrasto nabarmena utzi dute eraikin horien morfologian. Zenbait objektu material eta ariketa immaterial behar zituzten horiek gauzatzeko, zeinak, debekuak zirela-eta, apurka-apurka kendu baitzituzten, kasu askotan erabat desagertu arte. Hitzaldi honetan kultu horiei lotutako elementuak arakatuko ditugu, historikoki izan duten garrantzia nabarmentzeko eta erabat desagertu ez daitezen.