Bisita honetan, Urduñako Erdi Aroko hirigintza bestelako ikuspegi eta pertzepziotik aztertuko dugu. Gaur egungo argiztapen artifizialari esker, ibilbide sentsoriala eta denborazkoa egingo dugu, non arkitektura giro berezi eta iradokitzailean azalduko zaigun, gaueko munduari datxezkion istorio eta bizipenez betea: segurtasunik eza, arriskuak, loa ulertzeko eta gaua bizitzeko moduak, hori guztia gaur egun Urduñako ondare baliotsua osatzen duten espazio eta elementu arkitektonikoei lotuta.