Landetxo Goikoa baserriak bizitza berritu bat ezagutu du 2007tik, Olentzeroren etxearen egoitza bihurtu zenetik. Bost mendez, Mungiako baserririk zaharrenak eraldaketa ugari bizi izan ditu, aldaketa sozial eta ekonomikoetara egokituz. Jonatan Pérez Mostazo, Historia irakaslearen eskutik (EHU), eraikinaren historia berrikusiko dugu, sorreratik hasi eta XVI. mendetik XXI. mendera arte. Laster estreinatuko den proposamen museografiko berritzailearekin batera, eraikinaren iraganari, orainari eta etorkizunari buruzko hausnarketa kolektiboa planteatzea izango da helburua.
