‘Los Chelines’ etxea 1902ko proiektua da, Severino Atxukarro arkitekto bizkaitarrarena, baina Leonardo Rucabado bere ikasle kantabriarrak ikuskatuta eraiki zen. Biek Bilbon ezagutu zuten elkar, Rucabadok proiektu ugari egin baitzituen Bizkaiko hiriburuan. Cristina Atxa eta Miguel Zaballa arkitektoek jendea bizi deneko arkitektura modernistaren adibide bat bertatik bertara ikusteko aukera eskainiko digute, etxebizitza-eraikin batean ondarea birgaitzeko irizpideei buruzko eztabaida bat ezartzeko asmoz.