Bisita honetan, arkitekturari lotutako obrak kontserbatu eta zaharberritzeko lana hurbiletik ezagutzeko aukera izango dugu. Marouflage deritzon teknika ezagutuko dugu, hau da, oihal gainean egindako margolan bat euskarri zurrunago batean ezartzea, espazioan integratzeko. Horrez gain, Ibarrolaren eta Oteitzaren erretaulen eta horma-lanen gaineko esku-hartzea eta Iruña kafetegiaren apainketa ikonikoa aztertuko ditugu. Arlo horretako adituen eskutik, lan horiek berreskuratzeko irizpideak, prozesuak eta erabakiak aztertuko ditugu, haien historia eta jatorrizko materialak errespetatuz.