Baserriaren ezaugarriak edozelakoak izan arren, ezin dugu kontzeptua eraikin soil batera mugatu. Gure baserriak haratago doan zerbait gehiago dira, eraikuntza horietan, berezko kontzeptu arkitektoniko eta teknikako ez ezik, kode sozialen, bizipenen, kulturaren trasmisioaren, mitoen eta kondairen multzoa ere metatzen direlako. Horregatik, Gorbeiako magalean, Urigoiti auzo ikusgarria bisitatuko dugu eta, Munekogoiko baserriari begira, gure kulturaren entziklopedia handi hori errepasatuko dugu, berau baita inguru hauetako zaharrena.