Otxandioko Plaza Nagusia da protagonista jardunaldi honetan. Bere inguruan garatu dira herriko elementu arkitektoniko aipagarrienak eta esanguratsuenak. Lehenbizikoa, Udaletxeko Jauregia dugu, Bizkaiko udaletxetan garrantzitsuenetariko bat, udaletxe barroko adibide ezin hobea.  Bigarrena Frontoia, silarrizko frontisa, ezkerreko horma eta kanapeak dituena. Arratiako Kristobal Bernaola arkitektoak egin zuen 1857. urtean, gutxi gorabehera. Hirugarren eta laugarren elementuak Pasealekua eta Bolatokia, bertan azpimarratzekoa da harrizko zutabe sail noblea, 1861. urtekoa. Azkenik, Vulkanoren Iturria, silarrizko harroina da eta beraren gainean Vulkanoren harrizko estatua zutituta agertzen da. Elementu guztiak aztertuko ditugu eta barrutik bisitatu ahalko ditugu.