Ibilbide gidatu zirkularra da, Juanjo Hidalgo historialariaren eskutik. Bakioko txakolin-ekoizpenaz hitz egingo du, bertako mahasti eta mahats-parretan. Mendeetan zehar bizirik iraun duen tradizio baten lekuko. Ibilbidean, Bakioren eta bertako auzo historiko eta berrien ikuspegi panoramikoaz gozatuko dugu. Udalerriaren historia markatu duten mahats-parrak eta mahastizaintzaren hondarrak behatzea da mahastizaintza eta ardogintzaren iragana eta oraina gogora ekartzeko lehen urratsa.