Karabi-eztei gisa ezagutzen zen Orozkon labealdia amaitzean karobiaren ondoan egiten zen oturuntza txikia. Lanarekin amaitu izan ospatzeko egiten zen. Jarduera honetan, tradizio hori berreskuratu, eta agertoki berean biziko dugu berriro ere.
Félix Mugurutzaren eskutik, karearen mundu konplexuan sartuko gara —dirudiena baino askoz aberatsagoa da—, eta labe mota desberdinak ezagutuko ditugu. Bisitak Unibasoko karobira eramango gaitu eta, handik gertu, lan- eta memoria-paisaia hori osatzen duten teila-labeetara.