Kolaziñotik Bediara
Gure herria Galdakaoko parrokiaren kolazioa izan da XVIII. mendera arte. Independentzia lortu zuenean, egungo eliza eraiki eta Bedia izena hartu zuen. Gure herriko eraikinen ibilbide historikoa egingo dugu: eliza, udaletxea, jauregia eta Bedikoleako zentrala, herriko zubiak, Tosubando dorrea, Utxaraingo errota, gure herriko baserrien eredua… Hau da, eraikinen bidez, aspaldiko garaitan murgilduta, gure historia ezagutuko dugu. […]
Arratiako tranbiaren bidea.
Ibilbide gidatua Arratiako tranbiaren antzinako bidean zehar Bediatik. XX. mende hasieran Arratiako biztanleen bizitza eraldatu zuen garraiobidea Arratiako Tranbia izan zen, Zeanuri eta Bilbo lotzen zituena 2 orduko bidaian. Arratiako biztanleak euren eguneroko lanekin lotzen zituen ibaian behera. Gainera, Bilbora abereak eta beste hortuariak eramaten ziren, eta haranean gora mendizaleak, ikatza eta beste produktuak zekartzaten. […]