Lehenengo Eusko Jaurlaritzak 1936tik 1939ra bitartean sortutako dokumentazioak gorabeherak izan zituen Gerra Zibilaren eta Bigarren Mundu Gerraren ondorioz. Dokumentazioaren zati handi bat frankistek konfiskatu zuten, suntsitu egin zen etsaiaren eskuetan eror ez zedin eta errepresiorako erabil ez zedin, edo lekualdatze ezberdinetan galdu zen.

Gainerako dokumentazioak ere gorabeherak pairatu zituen erbestean, egungo kokapenera arte. Bisita honekin, bide horietako batzuk ezagutuko ditugu Bilbotik (1936) Bilbora (2014).