Ondarea baloratzea politiken eta kultur egitarauen helburu nagusienetako bihurtu da, gure herrien nortasuna definitzen ondoen laguntzen duen elementuetako bat baita. Horregatik, erakundeetako arduradun bezala, zaindu eta babestu egin behar dugu, eta herritarren eskura jartzea eta beraiek ondo ezagutzea sustatu behar dugu.
Ondareari buruzko Europako Jardunaldiak aukera paregabea dira filosofia hori praktikan jartzeko. Ekimen honi esker, egun batzuetan eta Europa osoan zehar, herritarrei monumentu ugari, aztarnategi arkeologikoak eta ekintza ezberdinak ezagutzeko aukera ematen zaie.
Bizkaian 2001. urtean sartu ginen lehenengo aldiz proiektu honetan eta hortik aurrera beti hartu dugu parte proposamen berri eta interesgarriekin.
Gainera, Jardunaldi hauen bitartez, Foru Aldundiaren eta toki erakundeen arteko lankidetza indartzen ari gara. Oraingo edizio honetan, 24 udalek bere ahalegina eta ilusioa jarri dute aurreko urteetan bezala ekintza ugari eta ezberdinak eskaintzen dizkigun programa antolatzeko.
Bizkaiko Foru Aldundiak gonbidapena helarazi nahi die herritar guztiei ospakizun honetan parte hartu eta egun batzuetan zehar gure herrien historian (askotan ezezaguna) murgil daitezen.
Zuen interesa pizten badugu, asmatu egingo dugu. Zuen zain izango gaituzue
