Gatazka-garaian eraikiak, artilleria-bateriek itsasertza eta industriaren bihotza defendatu zituzten. Erresistentziaren ondarea dira. Batzuek orro egin zuten borrokan; beste batzuek disuasioa izan zuten borroka bakar. Gaur egun, hormigoizko eta altzairuzko erraldoi horiek bizirik diraute, isiltasunaren eta narriaduraren aurrean eta galmenaren mehatxupean. Aitor Miñambresen eskutik, hitzaldi honetan, denboran dirauten paisaiaren orbain horietatik igaroko gara, gure historia asaldatuenaren memoriari eusten dion ondarea gogora ekartzeko.