Hain urrutira eraman gintuen itsasadar horrek, hainbeste mundu ireki zizkigunak, mendeetan zehar banandu egin gintuen. Harresi likido batek bezala eutsi zion hiribilduari bere baitan itxita, Abandoko ibarretatik urrun.

300 urte baino gehiagoz, bide bakar batek lotzen zituen bi ertzak; San Anton zubiaren gainetik zihoana, Bilboko ekonomia elikatuz. Batzuk zubi berriak eraikitzen saiatu ziren, baina benetako alternatiba ez zen 1735era arte iritsiko eta bi urte besterik ez zuen iraungo.

Frantziskotarren lehen ahalegin horien ondoren, igarobideak biderkatzeko eta ibaiertzak lotzeko, XIX. mendean zubien iraultza etorri zen, eta San Antonek itsasadarraren gaineko bide bakarra izateari utzi zion.