Itzulpen kulturalaren prozesuari esker, objektuak, espazioak eta praktikak publikoarekin emozionalki konektatzeko gai diren esperientzia ulergarri eta esanguratsu bihurtzen dira. Testuinguru horretan, Landetxo Goikoaren museografia berriak ondare immateriala du ardatz: baserriko bizitza, ahozko memoria eta belaunaldiz belaunaldi transmititutako jakintzak.

Bisita honekin, espazio horietatik igarotzea proposatzen da, iraganeko eta oraineko begiradak elkartuz, espaziook beste ikuspegi batetik deskubritzeko. Ondarea herentzia bizi gisa biziberritzeko, kontserbatzeko eta hura berriz irudikatzeko bidaia da.