Martzela eta Garai berreskuratu diren bertoko bi gari-barietateren izena da. Hasteko, hazi den lekua bisitatuko dugu,  alea nolakoa den egiaztatzeko. Jarraian, ibilalditxo bat egingo dugu martxan dagoen azken errotaraino, Gaztañeta errotaraino, hain zuzen. Bertan, “Martzela” garia ehotuko dugu, gero, lortutako irin  horrekin, ogia eta “Martzela” izeneko garagardoa ekoizteko. Amaitzeko, produktu hauek dastatuko ditugu Jatazpi Txokoan.