Hitazaldia Juan Manuel González Cembellínen eskutik

1500. urtea Bando-gerrak amaitu dira. Bakea dator. Baina lurralde dorrez josita dago. Hermetikoak, ilunak, estuak. Boteretsuek, baina, etxe argitsu, zabal eta erosoak nahi dituzte. Zer egin daiteke bandoen gotorleku zaharrekin? Gure dorreen etorkizuna askotarikoa izan zen. Muturreko kasuak ditugu Muñatones, bertan behera utzita, eta Butroe, gaztelu erromantiko bilakatuta. Aukera gehiago ere egon zen: gustu berrietara egokitzea, jauregiak eraikitzea dorreen ordez, baserri bihurtzea… Eta azken bolada honetan, txalet, hotel eta jatetxe bihurtu dituzte, inoiz izan ez zituzten Erdi Aroko ukituak gehituz…