Tailer honekin erromatar garaiko sinesmen batzuk nolakoak ziren erakutsi nahi dugu. Etxeetako pribatutasunean egiten ziren kultuetan zentratuko gara. Familia bakoitzak bere sinesmenetara egokitzen zituen kultuak ziren hauek eta gaur egun oraindik ezagutzen ditugunak. Horretarako, erromatarren garaiko gela bisitatu ondoren eta gure biltegietatik aterako ditugun pieza berezi batzuk ikusi ostean, eskulan bat egingo dugu. Larario bat, aldare txikia, non eskaintzak egiten ziren familiaren zori onaren bila.