Garai beti egon da lurrari oso lotua. Lehenago prozesioak eta letaniak egiten ziren uzta eta eguraldi ona eskatzeko, ekaitzak uxatzeko… eta oraindik ere mantentzen dituzte orduko ohitura batzuk.

Garaiko herritarrek azalduko digute zein den oraindik bizirik mantentzen duten prozesioa eta zeintzuk ziren lehenago herriak egiten zituen errituak. Jarraian, Garaiko letania txiki baten simulazioa egingo dugu. Bertako paisaia ikusgarrietan ibilbide bat egingo dugu, eta, letanian egiten zen bezala, bueltan ardo goxoa eta gailetak dastatuko ditugu.