Herri-erakunde eta auzo-laguntzarako elkarteen ondarea

Gure herriak bere historian zehar, eremu indibidualean eskura ezinezkoak diren helburu amankomunak erdietsi aldera, bere beharrak edo espektatibak asetzeko helburuz portaera solidarioko edo lankidetzako jarraibideetan oinarritzen diren herri-erakundeak eta elkarrekiko laguntzarako elkarteak antolatzera jo izan du. Hala nola, auzoetako Kofradiak, Ganadu-ermandadeak, Suaro elkarteak, auzo-eskolak…, baita herri ondasunak eta ondarea jagoteko ardura izan duten pertsonak ere: serorak, maiordomoak, basozainak, etab. Horietako asko aurreko mendearen azken aldera galduz joan badira ere, beraien ezagutzak eta filosofiak bizirik dirau gure artean, egungo gure herri-nortasuna definituz.