Skip to content
Ondarearen Europako Jardunaldiak
Bide, sare eta loturen ondarea
Programaren 24. edizioa: 210 ekitaldi, Bizkaiko 72 udalerritan
Bide, sare eta loturen ondarea lelopean, ekitaldiak Bizkaiko ehundik gora kultura- eta gizarte-eragile bildu ditu programaren antolaketan, Aldundiak koordinatuta.
Aurtengo edizioak bide eta ibilbide historikoak, galtzadak eta merkataritza-bideak, lurrekoak zein itsasokoak, izan ditu xede, salgaien, ibiltarien eta ideien hartu-emanak Bizkaia barruan eta hortik kanpo kultura-ondarean izandako eraginen erakusgarri direnak.
Gure bloga
Ezagutu OEJak
Ondarearen Europako Jardunaldiak herritarren parte hartzera bideratutako ateak zabalik dauden egunak dira; hauek 1991tik urtero antolatzen dira Europako Kontseiluaren ekimenez eta Europar Batasunarekin lankidetzarekin.
OEJek europar guztien ondarea sustatzea, kulturarteko elkarrizketa bultzatzea eta gizarte ondarea babestearen garrantziaz sentsibilizatzea dute helburu, hizkuntzen eta kulturen aniztasunetik haratago.
Ondarearen Europako Jardunaldiak – Bizkaia
Bizkaian, OEJk programazio egonkor baten parte dira, “klasiko” bat urteko kultur egutegian. Jardunaldi hauek urrian zehar ospatzen dira. Bisita gidatuek eta ibilbideek, erakusketek eta hitzaldiek, kontzertuek eta mota guztietako kultura-adierazpenek ematen diote forma herritarren eskura dagoen egitarau erakargarri eta era askotakoari.
Bizkaiak proiektu honetan 2001. urtetetik aurrera hartzen du parte. Ordutik, 23 edizio hauetan parte hartu du, lurraldeko kultura ondarearekin lotutako hainbat gai jorratuz.
