Tema 2025
Arquitectura
Ir al contenido
Arkitektura-ondarea
Arkitektura-ondarea, Ondareari buruzko Jardunaldien 25. urteurrenaren gai nagusia
2025ean Bizkaian Ondareari buruzko Europako Jardunaldien 25. urteurrena ospatuko dugu, eta aurtengo edizioa arkitektura-ondareari eskainiko diogu. Nola historiaurreko aztarnategiak hala arkitektura garaikidea, Bizkaiak ondare- eta historia-interes handiko eraikinen eta monumentuen lagin nabarmena du. Horietako bakoitzak istorioak gordetzen ditu eta zerbait kontatzen digu sortzaileei, zenbait garai historikotako lekukoei, denboran zehar zaindu dituzten eraikitzaile eta zaharberritzaileei eta historian zehar izandako aldaketa eta prozesu guztien lekuko izan den komunitate oso bati buruz.
Ezagutu OEJak
Ondarearen Europako Jardunaldiak herritarren parte hartzera bideratutako ateak zabalik dauden egunak dira; hauek 1991tik urtero antolatzen dira Europako Kontseiluaren ekimenez eta Europar Batasunarekin lankidetzarekin.
OEJek europar guztien ondarea sustatzea, kulturarteko elkarrizketa bultzatzea eta gizarte ondarea babestearen garrantziaz sentsibilizatzea dute helburu, hizkuntzen eta kulturen aniztasunetik haratago.
Ondarearen Europako Jardunaldiak – Bizkaia
Bizkaian, OEJk programazio egonkor baten parte dira, “klasiko” bat urteko kultur egutegian. Jardunaldi hauek urrian zehar ospatzen dira. Bisita gidatuek eta ibilbideek, erakusketek eta hitzaldiek, kontzertuek eta mota guztietako kultura-adierazpenek ematen diote forma herritarren eskura dagoen egitarau erakargarri eta era askotakoari.
Bizkaiak proiektu honetan 2001. urtetetik aurrera hartzen du parte. Ordutik, 23 edizio hauetan parte hartu du, lurraldeko kultura ondarearekin lotutako hainbat gai jorratuz.
