HITZALDIA RAQUEL CILLA-ren eskutik

Bilboko Eleiz Museoaren zuzendaria,  doktorea da Artearen Historian eta aditua da ondare historiko-artistikoan, bereziki erlijiosoan, museologian eta dekorazio-arteetan.

Ondare erlijiosoa gure inguruko memoria historiko, artistiko eta sozialaren funtsezko atala da. Hala ere gaur egun ondare hori arrisku askoren eraginpean dago, kontserbazioa eta transmisioa arriskuan jartzen dutenak: erabilera galtzearen ondoriozko bertan behera uztea, bere balio kulturala ez ezagutzea, esku-hartze desegokiak, baliabide falta edo txertatuta dagoen gizarte- eta lurralde-testuinguruko aldaketak. Egoera horren ondorioz ondare honen zati handia zaurgarria da, eta zaintzeko beharrezkoa da ezagutzan, plangintzan eta gizarte-sentsibilizazioan oinarritutako ekintza koordinatua.
Testuinguru honetan hitzaldiak arriskuan dagoen ondare erlijiosoaren kontzeptuaz eta, ondare hori babesteko ezinbesteko lehen urrats gisa, dokumentazio- eta inbentario-tresnen garrantziaz hausnartuko du. Gaur egun lantzen ari den Bilboko Elizbarrutiko monumentuen katalogoaren adibidearen bitartez erregistro sistematikoak eta kultura-ondasunen azterketak horien kontserbazio-egoera identifikatzea, mehatxuak ebaluatzea eta babesteko estrategia egokiak ezartzea ahalbidetzen dutela aztertuko da.

Era berean, Bizkaiko Eleiz Museoak ondare horren kudeaketa integralaz arduratzen den erakunde gisa betetzen duen eginkizuna jorratuko da. Burutzen dituen lanen barruan katalogazioa eta prebentziozko kontserbazioa daude, baita zaharberrikuntza, ikerketa eta hedapena ere. Ikuspegi horretatik erakundeen, espezialisten eta gizartearen arteko lankidetzaren garrantzia azpimarratuko da, balio artistikoa izateaz gain, historiaren, identitatearen eta memoria kolektiboaren testigantza bizia ere baden ondarearen babesa bermatzeko.