Bisita irisgarriak Serantes mendira

VISITAS ADAPTADAS AL MONTE SERANTES

Serantes mendiak, Santurtziko kostaldearen zaindari bikainak, ikuspegi panoramiko ikaragarriak ez ezik, eskualdeko aberastasun natural eta historikoan murgiltzeko aukera ere eskaintzen du. Esperientzia hori guztion eskura egongo dela bermatzeko, Santurtziko Turismo Bulegoak bisita irisgarriak antolatzen ditu, mugikortasun urriko pertsonek altxor natural horretaz goza dezaten

Agurtza itsasontzi museoa

BARCO MUSEO AGURTZA EN SANTURTZI

Ezagutu benetako arrantza-ontzi bat barrutik. Bisita gidatuan, itsasontziko bizimodu gogorra ezagutuko dugu, aginte-zubia, makina-gela, hozkailuak, kamaroteak… bisitatuz.

Bisitaldi antzeztuak Santurtzin

VISITA TEATRALIZADA SANTURTZI

Utzi harritzen arrain-enkante tradizional baten antzezpenarekin! Zatoz Karmen arrain-saltzailearen eskutik.Ezin dituzu bisita antzeztuak galdu. Karmenek, gure sardina-saltzaile bitxiak, beste pertsonaia herrikoi batzuekin batera, gure historia eta tradizioak modu ludiko eta dibertigarrian irudikatzen ditu. Bisitaldia arrain-enkantearekin amaituko da, usadio zaharrean, garai batean horretarako erabiltzen zen aretoan.   (Udako bisitak: uztaileko eta abuztuko larunbatak.)

Sardina-saltzaileen urratsak jarraituz

“Santurtzitik Bilbora…” kantatzen zuten alai pizpireta sardinatarrek Nerbioi itsasadarraren ertz osoan. Arrantza udalerritik egindako ibilbidean, emakume horien lan sakrifikatua balioetsiko da, arrain freskoa garraiatzeaz arduratzen baitira, Santurtziko txoko bereizgarrienak, portua, arrantzaleen kofradia eta abar aurkitzen diren bitartean.

Euskal dantzen tailerra: Kaskarot

Hastapen tailer honetan Santurtziko dantza tradizionalenetako bat, Kaskarot edo Arrantzale Dantza ikasi ahal izango duzu. Koreografia honetan, gure sardina-saltzaileen antzeko janzkera duten dantzariek mugimenduak eta irudiak egiten dituzte saski txikiak eramanez. Dantza egitera animatzen zara? Urriaren 21ean, 11:00etatik 12:00etara (umeentzat); 12:15etik 13:45era (helduentzat).

Agurtza, benetako arrantza-ontzia.

Agurtza itsasontzia gure kostaldean arrantzatzen zuten egurrezko arrantza-ontzien adibide bikaina da. Santurtziko arrantzaleen kofradiako presidentea den Benitoren laguntzarekin, XX. mendearen erdialdeko arrantza-ontzi horren bizitza gehiago ezagutuko dugu. Prest zaude benetako marinel bihurtzeko?