Latsariak – Lavanderas dokumentalak (2022an estreinatu zen) emakume latsarien bizipenak eta testigantzak bildu ditu. Con Ciencia y Arte elkarteak sustatu du proiektua, emakume haiek egiten zuten lan neketsua gogora ekarri nahian. Izan ere, zeregin hura nahitaezkoa izan zen familien eta herrien osasungarritasuna eta bizi-kalitatea bermatzeko. Film ertain horretan 13 emakumek beren esperientziak eta ikuztegiak nolakoak ziren eta non kokatzen ziren kontatzen dute.