Ibilbide gidatua Juanjo Hidalgo historialariaren eskutik.

Bakioko txakolin ekoizpenak XIX. mendearen amaierako izurriteen garaitik bizirik iraun zuen, eta etxekoen beharrak hornitzeko gai zen; gainera, etxeko ekonomiaren osagarri bat sortu zuen, Bilboko inguruko taberna-baserrietakoei ardoa salduz. Udalerriko landa-paisaian oraindik ere irauten duen tradizioaren mahasti-aztarna arakatzen saiatuko gara.

Ibilbidea Txakolin Museoa-Txakolingunean hasiko dugu, eta leku berean bukatuko dugu, txakolina dastatuz, museoaren tradizioarekin jarraituz.

Oharra: 4 km-ko ibilbidea, 120 m-ko desnibela, zailtasun txikiko bidea. Ekarri oinetako egokiak eta jantzi erosoak. Bidea eta
errepidea asfaltozkoak dira, eta bide-zati bat, lurrezkoa. Iraupena: 3 ordu inguru

PLAZA AGORTUAK