Lurraldean egiaztatutako prozesuen aztarnek ondare mota desberdinak osatzen dituzte: naturala, historikoa eta etnografikoa (baliabide naturalen aprobetxamenduak nahiz beste giza jarduera batzuek sortutakoa).

Galdamesi dagokionez, ondare geologikoak zeregin nabarmena du, mendeetan zehar hainbat modutan ustiatu izan baita: burdin mea erauzi izanak meatze-ondare garrantzitsua sortu du; inguru horretako kareharrietan barrunbe karstikoak sortu izanak babeslekua eman dio gizakiari; iturburu ugari elikatzen dituzten akuiferoak erabili dira; eta harrobietatik harria lortu da, eraikinak egiteko.

Carlos Glaria historialariaren eta Jesús Esteban Arispe geologoaren eskutik, historian zehar Galdamesko ondarearen eta bizimoduaren ezaugarriak balditzatu dituen paisaiako hainbat elementu ezagutuko ditugu.

Burdin Mendien Bide Berdea ezagutzeko Zentrotik eta inguru horretatik abiatuta, Galdamesko ondare geologikoaren eta arkitekturaren irakurketa praktikoa egingo dugu.

Jarduera amaitzean, bertoko bi produktu, ogia eta txakolina, dastatuko dira, eta, beste urte batzuetan bezala, gure produktuen eta ekoizleen balioa nabarmenduko dugu.

Bisitatuko diren tokietara ibilgailu partikularretan joango da, praktikoagoa baita.