Ondarearen Europako 2022ko Jardunaldien gaia jasangarritasuna izango da, eta oinarriak Euskal Garapen Jasangarrirako 2030 Agendatik hartuta, ingurumenaren alorrean gure ekintza sartuko da; horretarako, ibilaldi bat proposatzen dugu Zubi Zaharra abiapuntu hartuta. Edonork parte har dezake ibilbidean.
Ekintza urriko asteburu batean burutuko da. Biologian aditua den pertsona batek emango ditu azalpenak: padurek zein garrantzi daukaten, Ailerriko flora eta fauna zein den, lurraren konposizioa eta klima-aldaketaren zergatia eta horrek gure osasunean nolako eragina duen.
Bide batez, tarteka, bidetik plastikoak batuko ditugu, eta horrela, ikasi eta gure ingurua zainduko dugu.
